مشاكل الشباب ع النت...؟

بســم الله الـرحمــن الرحيــم

مشاكل الشباب على النت وانواعهم...؟

بدون مقدمات وتزويق فى الكلام خلينا نخش فى صلب الموضوع ونبدا بالنوع الاول

النوع الاول

الي يدوبك لسه متعلم يدخل نت
بيبقى العمر يتراوح من 22 الى ما فوق ... وتلاقيه اول ما يدخل
هاي
ممكن نتعرف انا فلان ومن الحته الفلانيه
وتحسي ان فيه حنفيه
معلومات اتفتحت
واي حاجة تقوليهاله يقولك يعني ايه
مش فاهم وبعد
كل كلمة يقولك
اصل انا لسه جديد في النت
والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب
حظه

النوع الثانى
الي بيقعد على النت بس مش كتير
النوع ده كل كلامه
انا مشغولياتي كتير ومبحبش النت والكلام ده
وبعد
ما يكلم شوية يقولك
ممكن نكمل كلام في التليفون انا اصلي مبدخلش
النت كتير
ومليش خلق للكتابة والحاجات دي
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي
بلوك

النوع الثالث

الي قاعد على النت ليل نهار
ده بقى شرحه يطول وينقسم لعدة
انواع
1- المقموص
ده بقى قاعد وحاطط ايده على زرار الزعل
اي حاجة تقوليها تبقي
بتقصديه او بتقللي من شانه
وبعد كام مرة كلام ممكن يقولك اديني
نمرة تليفونك
ولما تعتذري هيقولك انا هحترم رغبتك وهيركبلك الوش الخشب
ومن وقت للتاني هتاخدي البلوك ف وشك فنصيحه من اولها كده
اديله بلوك وديليت

2- ابو دم خفيف
ده شلل مركز ومتعرفيش
مين الي خدعه وقاله ان دمه خفيف
وكل كلامه قفشات وضحك
والمفروض انك تكوني مجامله
وتضحكي بس منصحكيش تيجي
على
اعصابك

3- المودي
دي بقة شخصية بتتنوع كل يوم
على حسب المود
وهتحسي انك بتكلمي واحد
عنده انفصام ف الشخصية النهاردة
رزين وعاقل وبكرة لاسع وبعد
يومين رخم

وبعدها كيوت وفريندلي
طبعا الحكايه مش ناقصة جنان كفايه الي
الواحد فيه

4- اللزقه
والنوع ده عايز حزم ف التعامل معاه
لأن كل كلامه انتي فين ؟
بتتاخري في الرد ليه؟
انتي بتكلمي حد ؟؟
ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ...
ايه ده انتي لسه مجيتيش ؟؟؟

5- الناصح
صباح الصداع
مع كل جمله هتقوليها هتاخدي نصيحة وفيه عرض خاص
قولي
جملتين وخدي اربع نصايح
العرض مستمر حتى نفاد الكمية

انا انصحك انك تخليه يحصل
اخواته
الي فاتوا يعني بلوك وديليت

6- الحبيب
انا فيا جاذبية وكل البنات بتعجب بيا ....... ايام ما كنت فى الكليه
كنت عامل ازمه والبنات بتتخانق عليا......
المصيبة بقى ان اي
جمله
هتقوليها هيفهم ان انتي
معجبه اصله مش بمزاجك هتحبيه يعني
هتحبيه

7- حريقة بنات
ده بقى لو في منتدى او ميل جروب
تلاقيه مركز على كل البنات
ومبيعملش اي حاجة تانية غير كده
الكوميدي بقى لما يتلخبط ويعتقد
ان
الأسم ده انثوي
ويندمج وبعدين يطلع واحد
صاحبه

8- الكداب
من اول الأسم والسن
واي معلومة خدتيها كدب في كدب ومتعرفيش ليه
ده
بقى
انصحيه وخليه يغير اسمه على الماسنجر
ويخليه الكداب

9- العبيط
ده هتلاقيه على طول حاطط صورته
وذنب عليكي تتفرجي ويشيل الصورة
> > دي
يحط التانية وكل شوية يفتح الكاميرا مع نفسه

10- بابا اوبح
ده ممكن يكون على النت من سنة 96
واتخرج واشتغل واتجوز وجاب
عيال
ولسه قاعد يتعرف على بنات وكل ما يكلم واحدة يقنعها انه مش
متجوز
وبيدور على عروسة وصباح السرحان
ولو جربتي كل يوم تدخليله
بايميل
غير التاني هتسمعي قصة حياته
كل يوم مختلفة

النوع الاخير
وده احسن ينفع تكلميه على النت
هو المحترم اللى عارف حدوده ومبيتدخلش
فى اللى مالهوش فيه
وبيبقى دمه خفيف علشان ماتزهقيش منه
وبيحب يعمل اصدقاء كتير على النت
وتلاقيه جد ومابيحبش الكدب
بس بيحب يهزر بس بأدب
وتستريحيلو وانتى بتتكلمى معاه

كده خلصوا وماحدش يسألنى
انت من انهى نوع

ولا اقولك يلا انا اكيد النوع الاخيرههههههههههههه

تحياتى للجميع

kazanova

بجد
انت من احسن نوع
مشكوررررررررررعلى التوبيك الجااااااااامد
تسلم ايدك

ربنا يخليك دا بس من ذوقك

نورتى الموضوع بجد بطوطه

مشكور يا حودا وبجد شكلك هتشرفنى وبجد لزبز لكى كل واحد يعرف نفسة واتمنى المزيد من المشاركة

حووودا حبيبى

انت كنت متوقغ غير كدا ولا ايه يا خلبوص

تسلم يا كبير على مرورك بس انت مقولتش انت انهة نوع

شكلك خاااااايف (بدبسك يا كبير)

ده نورك
كازانوفا
شوف كتبته صح
وعربى كمان
عمر حاد كتبه صح

بصراحه لا

نورتى الموضوع بجد بطوطه

مرسى
انت ليك الفضل بردك

هههههههههههههههههه

مش لازم تسيحى كدا ولا ايه

ههههههههههههههههه
هو انا قولت حاجه

انا بحسب بس

لاء متحسبش
هههههههههههه

انت تؤمر يا جميل

مرسى
انا كده هتغر فى نفسى

اتغرى برحتك المكان واسع

ولا يهمك احنا تحت امرك

انا مش عرفه اودى ذوئق ده فين
والله ياقمر

فى اى حته تعجبك يا جميل

منورة والله بطوطه

ده نورك ياقمر

بجد مشكورة كذا نوفا

بجد مشكورة كذا نوفا

نورت يا نيمو

بس ملحوظه صغيره انا ولد :D

هههههههههههههه
انت فينك كازانوفا
بص انا كاتبه صح

عندك حق
وانت متميز

مشكووور على مرركم يا جماعه

ناسف للتاخير بس كان ف ظروف كدا

بس الحمد الله

الحمدلله
المهم الى انت رجعت بسلامه

» أسطوانه طوارئ لاصلاح جميع مشاكل ويندوز 7 بأحترافيه شديده
» هدية قيمة 3:انتهت جميع مشاكل الويندوز (اسطوانة بها كل ماتحلم بة وكمان بورتابل)
» دخلت النت داعية فخرجت عاشقة
» قصة اتنين حبوا بعض على النت واتجوزا و اتطلقوا .. ههههه
» الفرق بين موبيل الشباب وموبيل البنات