هم يضحك وهم يبكى...!!

برنامج واحد من الناس
واللى كان بيتعرض بصراحة مكنتش عارفة أبكى ولا أضحك عليه..!!

المكان: حى الأربعينى بمحافظة السويس

الواقعة: ناس عاديين عايشين فى بيوتهم لا بيهم ولا عليهم ومعاهم عقود بملكيتهم للأرض من الحكومة وفى يوم وليلة يلاقوا عليهم أحكام بالسجن منها أحكام نهائية ومنها أحكام لسه ابتدائية

السبب: تبديد الثلاجة والغسالة والتليفزيون اه وكمان غرف الشقة كلها
يا سلاااااااااام تبقى نايم فى بيتك وتلاقى ناس اخدينك على السجن بتهمة تبديد حاجات انت اللى شريها يعنى بتاعتك بس ليه تبددها وهى بتاعتك "سؤال يطرح نفسه أو يجمعها بقى مش مشكلتنا"

*أى زمن وأى مكان اللى احنا فيه ده*

كل ده علشان الأوقاف أكتشفت وبعد مرور أكثر من 70 سنة ان الأرض دى تابعة ليها
يبقى مش مهم الأسر اللى هتتشرد دى المهم إن الاوقاف تاخد حقها

وما دامت الاوقاف ليها حق يبقى المفروض يكون فى ذمة الحكومة لأنها هى اللى باعت الأرض للناس الغلابة دول وهما خلاص دفعوا من زمان والغريب فى الموضوع إن الناس اللى معاهم عقود ومتسجلة كمان فى الشهر العقارى عليهم أحكام بالسجن ليه متعرفش أو ابحث مع الشرطة يمكن تعرف ايه اللى بيحصل بالظبط

واللى يبكى حكم غيابى بسنتين على سيدة عجوزة عايشة لوحدها عمرها 70 سنة

أما اللى يضحك بجد وكنت هأموت من كتر الضحك لما سمعت واحدة بتقول انها رفعت التليفون من 10 سنين بسبب مرض زوجها وعدم توفر فلوس لدفع فواتيره "عادى خالص زى ما أى حد ممكن يعمل كده" تيجى شركة الاتصالات دلوقتى ترفع عليهم قضية وتكسبها بغرامة قيمتها 10 آلاف جنيه ويأما يدفعوا أو يتسجنوا **ساعتها افتكرت مسرحية شاهد مشفش حاجة ساعة ما قال انه جاله غرامة على التليفون فراح يدفعها احسن يشيلوا العدة**

شوفتوا وصلنا لحد فين يعنى مش كفاية إن الناس مش لاقيين حتى وقت يرتاحوا فيه علشان يوفروا لقمة عيش بس لأولادهم لأ كمان الهم زايد وفاض بجد

ربنا يرحمنا من الزمن اللى إحنا فيه
** وكل واحد يخاف على تليفونه بعد كده **
~~ اللهم إنى بلغت اللهم فأشهد~~

ربنا معاكى يابنتى


العميد

موضوع جميل وربنا معاكي وانشاء الله تجيبي مواضيع تاني

ربنا معاكي
نريد منك المذيد
تقبلى مرورى

مكشوووووووره نور الضحى
وبجد ربنا يتولانا
والله يكون فى عون الغلابه بجد
الى مش عارفين ياخدو حقهم فى الزمن ده
ربنا على الظالم والمفترى وابن الحرام
وبجد مش نقدر نقول غير حسبى الله ونعم الوكيل
تقبلى مرورى

ربنا معاكى
منتظر منك المذيد